Fe wnaeth y dyn a ffrwydrodd fom mewn tacsi yn Lerpwl brynu deunyddiau i wneud bom cartref mor bell yn ôl â mis Ebrill, yn ôl yr heddlu sy’n ymchwilio i’r digwyddiad.  

Digwyddodd yr ymosodiad ger ysbyty yn Lerpwl ychydig cyn 11:00 fore dydd Sul. 

Bu farw’r bomiwr, Emad Al Swealmeen, 32 oed, yn dilyn y ffrwydriad. 

Roedd yn enedigol o Iran, ac yn ôl y Prif Gwnstabl Cynorthwyol Russ Jackson o Heddlu Manceinion, roedd Al Swealmeen wedi rhentu safle yn Lerpwl ers rhai misoedd er mwyn cynllunio’r ymosodiad. 

Ychwanegodd y Prif Gwnstabl fod y darlun o sut aeth ati i brynu’r deunyddiau ar gyfer y ddyfais yn un “cymhleth” hyd yma. 

Darllenwch y stori’n llawn ar wefan Golwg360 yma.