Buddugoliaeth o'r diwedd i dîm rygbi merched Cymru i gloi wythnos hanesyddol

Sport
NS4C 07/11/2021

Roedd hi'n fuddugoliaeth gampus i dîm rygbi merched Cymru yn erbyn Japan ar ddiwedd wythnos hanesyddol. 

Dyma oedd gêm gyntaf ochr Ioan Cunningham ers i Undeb Rygbi Cymru gyhoeddi y byddant yn rhoi cytundebau proffesiynol i 25 o chwaraewyr am y tro cyntaf mewn hanes. 

Ac yn eu buddugoliaeth gyntaf ers 32 mis, fe lwyddodd Cymru i sicrhau mantais o 23-5 dros Japan ym Mharc yr Arfau, Caerdydd. 

Y capten Siwan Lillicrap rhoddodd y fantais gychwynnol i'r crysau cochion yn dilyn cais cynnar, gyda dau gais gan Jasmine Joyce, a chiciau cosb gan Elinor Snowsill yn rhoi Cymru bell ar y blaen. 

Fe lwyddodd yr ymwelwyr i gael eu unig gais o'r noson yn y munudau olaf gyda'r cloc ar 77.