Alun Wyn Jones allan o garfan Cymru gydag anaf i'w ysgwydd

NS4C 02/11/2021

Ni fydd capten Cymru Alun Wyn Jones yn chwarae yng ngweddill gemau Cymru yng Nghyfres yr Hydref ar ôl iddo ddioddef anaf.

Cafodd Jones anaf i'w ysgwydd wrth i Gymru herio Seland Newydd yn Stadiwm Principality ddydd Sadwrn. 

Fe fydd y chwaraewr rheng-ôl Ross Moriarty hefyd allan o'r garfan gydag anaf i'w ysgwydd.

Fe fydd angen llawdriniaeth ar y ddau chwaraewr ac mae disgwyl iddynt fod allan o'r garfan am "nifer o fisoedd" i wella o'u hanafiadau.

Ar ben yr ergyd yma i dîm Wayne Pivac, cadarnhawyd bod Taulupe Faletau hefyd allan o'r garfan wedi iddo gael anaf i'w bigwrn wrth hyfforddi gyda Chaerfaddon. 

Mae Shane Lewis-Hughes a Rhys Davies wedi'u hychwanegu at y garfan yn eu lle. 

Llun: Asiantaeth Luniau Huw Evans