Mae glaw trwm wedi achosi trafferthion ar hyd rhai o ffyrdd y gogledd brynhawn dydd Iau, gyda rhan o'r A55 ar gau ym Môn am gyfnod.

Roedd yr A55 rhwng C4 RAF Fali a C5 Rhosneigr ar gau oherwydd llifogydd, ond mae'r ffordd bellach wedi ei hail-agor. 

Mae'r Swyddfa Dywydd wedi cyhoeddi rhybudd melyn am law trwm nos Iau hyd at 15:00 ddydd Gwener. 

Glaw trwm i nifer allai achosi llifogydd. Llŷr sydd â'r rhagolygon... pic.twitter.com/s6mhYx5G8k

— S4C Tywydd (@S4Ctywydd) October 28, 2021

Fe allai’r glaw achosi llifogydd mewn rhai cartrefi a busnesau, a gallai gwasanaethau trafnidiaeth gyhoeddus gael eu heffeithio hefyd.

Prynhawn da gyn y tîm👋

Ddim materion yn parhau ar hyn o bryd. Amodau gwael mewn rhannau o'r rhwydwaith🌧️ #A55 rhwng C4 Raf Fali a C5 Rhosneigr wedi'i ail agor nawr.

Cyfyngiadau yn parhau ar #A55 Bont Britannia oherwydd gwyntoedd cryf🚗🌬️

➡️https://t.co/tB5ur2Uv9v pic.twitter.com/NgluMLjrPc

— Traffig Cymru Gogledd-Chanolbarth #DiogeluCymru (@TraffigCymruG) October 28, 2021

Mae'r rhybudd tywydd yn berthnasol i siroedd Abertawe, Blaenau Gwent, Bro Morgannwg, Castell-nedd Port Talbot, Caerdydd, Casnewydd, Caerffili, Ceredigion, Conwy, Gwynedd, Pen-y-bont ar Ogwr, Powys, Sir Benfro, Sir Ddinbych, Sir Gaerfyrddin, Sir Fynwy, Torfaen, Wrecsam, Ynys Môn.