Mae plentyn dwy oed yn yr ysbyty yn dilyn gwrthdrawiad oedd yn cynnwys cerbyd heddlu brynhawn dydd Gwener.

Fe ddigwyddodd y gwrthdrawiad am oddeutu 15:30 ar Ffordd Llannerch, Pen-y-Cae yn Wrecsam, pan darodd y cerbyd y plentyn dwy oed.

Roedd y Gwasanaeth Ambiwlans hefyd yn bresennol yn y digwyddiad, gyda'r plentyn wedi ei gludo i'r ysbyty.

Mae Heddlu'r Gogledd yn apelio am wybodaeth, ac yn annog unrhyw un all fod o gymorth i'w hymchwiliad i gysylltu gyda'r llu gan ddyfynnu rhif cyfeirnod Z148033.

Llun: Google