Dynes wedi marw yn dilyn tân mewn tŷ yn Rhondda Cynon Taf

NS4C 24/09/2021

Mae dynes oedd mewn cyflwr difrifol yn dilyn tân mewn tŷ yn Rhondda Cynon Taf wedi marw.

Fe gafodd y gwasanaethau brys eu galw i'r digwyddiad i'r eiddo ar Ffordd Tyntyla, Tonypandy ddydd Mawrth, 21 Medi.

Mae'r heddlu yn dweud eu bod yn parhau i ymchwilio.

Dywedodd y Ditectif Brif Arolygydd Sarah Lewis: “Mae hwn yn newyddion trist a thrasig ac mae fy meddyliau gyda theulu’r fenyw ar yr amser anodd hon.

“Ein rôl ni yw ymchwilio’n llawn i’r amgylchiadau a arweiniodd at y tân a pharatoi ffeil dystiolaeth ar gyfer cwest yn y dyfodol.”

Llun: Google