Mae tîm merched Cymru wedi curo Kazakhstan o chwe gôl i ddim yn eu hymgyrch ragbrofol ar gyfer Cwpan y Byd 2023.

Fe gafodd y gêm ei chwarae ym Mharc y Scarlets nos Wener, gyda thîm Gemma Grainger wedi llwyddo i sicrhau'r fuddugoliaeth yn ei gêm gyntaf o dan ei harweiniaeth.

Daeth gôl gyntaf y gêm gan Kayleigh Green wedi 17 munud, gyda Natasha Harding yn sgorio'r ail wedi hanner awr o chwarae.

Daeth trydedd gôl Cymru ar ôl 54 munud gan Rachel Rowe, gyda Green yn sgorio ei hail wedi awr o chwarae.

Daeth ddwy gôl olaf y gêm gan Gemma Evans a Ceri Holland yn ystod y munudau ychwanegol.

Dywedodd gapten y tîm, Sophie Ingle, wrth BBC Two Wales wedi'r gêm ei fod yn "ddechrau gwych o flaen dorf adre".

"Ry'n ni'n falch o roi sioe ymlaen iddyn nhw [y dorf]," ychwanegodd.

Mae canlyniad nos Wener yn gwneud Cymru gam yn nes at gyrraedd Cwpan y Byd, fydd yn cael ei gynnal yn Awstralia a Seland Newydd yn haf 2023.