Mae dau ddyn wedi eu hanafu mewn "ymosodiad difrifol" yng Nghaerdydd.

Mae'r dynion, y ddau yn 21 oed, yn derbyn triniaeth wedi'r digwyddiad yn ardal Kingsway am 1:00 fore Sul, ond maent mewn "cyflwr sefydlog", yn ôl WalesOnline.

Mae ardal eang o ganol dinas Caerdydd wedi ei gau gan yr heddlu ac fe fydd yn aros felly wrth i swyddogion gynnal eu hymchwiliadau.

Dyma'r ail drywaniad  yn y brifddinas dros y penwythnos, ond nid yw Heddlu'r De yn credu bod cysylltiad rhwng y ddau ddigwyddiad.

Darllenwch y diweddaraf yma.

Llun: Google