Mae’r Swyddfa Dywydd wedi cyhoeddi rhybudd melyn am law a fydd mewn grym hyd at ddydd Mercher. 

Mae'r rhybudd mewn grym rhwng 12.00 ddydd Mawrth a 06.00 fore Mercher. 

Ac mae’r Swyddfa Dywydd wedi rhybuddio y dylai pobl yn ne Cymru ddisgwyl oedi ar y ffyrdd ac ar drafnidiaeth gyhoeddus yn sgil y tywydd garw yn ystod y dyddiau nesaf.

Mae posibilrwydd y bydd llifogydd ar y ffyrdd yn dilyn cyfnodau o hyd at 50mm o law. 

Mae Cyfoeth Naturiol Cymru wedi cyhoeddi dau rybudd llifogydd ar gyfer Afonydd Colwyn a Glaslyn ym Meddgelert, Afon Cothi mewn ardaloedd isel ger Nantgaredig, ac Afon Tywi rhwng Llandeilo ac Abergwili.

Roedd 23 rhybudd i fod yn barod am lifogydd yn ogystal.

Mae'r rhybudd melyn gan y Swyddfa Dywydd yn y siroedd canlynol:

• Blaenau Gwent
• Pen-y-bont ar Ogwr
• Caerffili
• Caerdydd
• Caerfyrddin
• Merthyr Tudful
• Sir Fynwy
• Castell-nedd Port Talbot
• Casnewydd
• Powys
• Rhondda Cynon Taf
• Abertawe
• Torfaen
• Bro Morgannwg