Mae pedwar o bobl wedi cael mân anafiadau ar ôl i drên fynd oddi ar y cledrau rhwng Llynnoedd Gogledd Penrith a Llynnoedd Oxenholme yn Cumbria, Gogledd Lloegr.

Roedd 87 o bobl, yn cynnwys 10 aelod o staff ar y trên o Glasgow i Euston, Llundain, pan aeth i drafferthion ger pentref Shap fore Llun.  

Fe ddaeth y trên oddi ar y cledrau tua 06:10.

Cafodd teithwyr eu cludo i westy cyfagos.

Dywedodd cyfarwyddwr y gwesty wrth y BBC bod rhai o'r teithwyr "mewn sioc". 

Mae Avanti West Cost wedi dweud eu bod yn darogan y bydd yna "oedi i'w gwasanaethau am nifer o ddyddiau" ac mae rhybudd i bobl beidio teithio i'r gogledd o Preston ddydd Llun. 

Yn gynharach fe ddywedodd y gwasanaeth ambiwlans eu bod wedi cyrraedd yno a'u bod yn cydweithio gyda'r gwasanaethau argyfwng eraill.

Eu blaenoriaeth oedd rhoi cyngor meddygol i bobl medden nhw.