Fe fydd CPD Dinas Caerdydd yn wynebu Chelsea yn rownd yr wyth olaf Cwpan yr EFL.

Yr Adar Gleision ydy'r unig dîm o Gymru sydd ar ôl, wedi iddyn nhw guro Wrecsam ar y Cae Ras nos Fawrth, ac fe wnaeth Abertawe golli yn erbyn Manchester City nos Fercher. 

Fe fydd y gemau yn cael eu chwarae yn ystod wythnos 15 Rhagfyr.

Bydd Arsenal yn wynebu Crystal Palace, Man City yn herio Brentford, a Newcastle United yn wynebu Fulham yng ngweddill y gemau.

Mae Caerdydd yn chwarae yn Adran Un, ac fe fyddan nhw'n wynebu Chelsea, sydd yn Uwch Gynghrair Lloegr, yn Stadiwm Dinas Caerdydd. 

Llun: Asiantaeth Huw Evans