Mae dau o bobl wedi cael eu harestio yn dilyn adroddiadau o anhrefn yng Nghasnewydd fore Sul. 

Mae swyddogion yn apelio am wybodaeth wedi'r digwyddiad ar Stryd yr Eglwys yn y ddinas. 

Fe gafodd yr heddlu eu galw i'r ardal am 01:10 fore Sul yn dilyn adroddiadau fod tua wyth o bobl yn ymladd yno. 

Fe wnaeth ymholiadau'r swyddogion arwain at arestio dyn 32 oed a dyn 39 oed ar amheuaeth o achosi ffrwgwd. 

Mae'r ddau yn parhau yn y ddalfa ar hyn o bryd. 

Mae swyddogion yn annog unrhyw un â gwybodaeth i gysylltu â nhw gan ddefnyddio'r cyfeirnod 2500341642.