Mae dyn 18 oed wedi cael ei arestio ar amheuaeth o lofruddiaeth yn dilyn marwolaeth dynes ym Mhrestatyn yn Sir Ddinbych.

Cafodd yr heddlu eu galw i ardal Dawson Drive o'r dref ychydig cyn 08.40 fore Gwener yn dilyn adroddiad fod corff wedi ei ddarganfod yno.

Am 13.20 ddydd Gwener, cafodd dyn lleol ei arestio ar amheuaeth o lofruddio'r ddynes.

Dywedodd yr Uwcharolygydd Lee Boycott: "Bydd presenoldeb plismona cynyddol yn lleol heddiw a dros y penwythnos i gefnogi ein ymchwiliad ac i geisio tawelu meddyliau'r cyhoedd.

“Mae’n ymchwiliadau’n parhau ar rydym yn gofyn i unrhyw un sydd ag unrhyw wybodaeth all gynorthwyo ein hymholiadau, i gysylltu â ni mor fuan ac sy’n bosib, gan ddyfynnu’r cyfeirnod C165084.”