Mae dyn  34 oed o Gastell-nedd Port Talbot wedi ei garcharu ar ôl iddo ymosod ar dad a mab nad oedd yn eu hadnabod yn eu gardd.  

Clywodd y llys fod Robin Griffiths o Resolfen wedi anafu llygad yr oedolyn, a bod yr anaf yn dal i achosi trafferthion wrth iddo geisio symud ei lygad. 

Mae e wedi gorfod cael llawdriniaeth ers yr ymosodiad. 

Ar ôl ymosod ar y tad, fe darodd Griffiths y mab wrth iddo geisio ymyrryd.  

Fis Medi, plediodd Robin Griffiths yn euog i gyhuddiad o ymosod drwy guro, ac o achosi niwed corfforol difrifol yn anfwriadol.   

Mae e bellach wedi ei ddedfrydu i garchar am 20 mis. 

Dywedodd y Ditectif Arolygydd Danielle Thorne: “Dylai pawb deimlo'n ddiogel oddi mewn i'w cartref neu eu gardd.  

“Does dim lle i bobl dreisgar fel Robin Griffiths ar ein strydoedd. Dylai felly dalu'r pris drwy dreulio cyfnod mewn carchar.”