Mae dyn wedi ei arestio ar ôl ymosodiad honedig ar ddynes oedd yn mynd â’i chi am dro ym Mae Colwyn.

Dywedodd yr heddlu bod y dyn wedi ei arestio nos Fercher.

Maen nhw’n parhau i apelio am wybodaeth am y digwyddiad yn ardal Parc Eirias rhwng 19.00 a 20.00 ddydd Llun.

Dywedodd yr heddlu fod yr ymosodiad wedi digwydd ar gyffordd Ffordd Abergele a Ffordd Groes.

Maen nhw'n annog unrhyw un a oedd yn gyrru drwy'r ardal, neu a ymwelodd â Chanolfan Hamdden Parc Eirias neu'r caeau chwaraeon cyfagos yn ystod y cyfnod perthnasol, ac a allai fod â lluniau camera dashfwrdd, i gysylltu â nhw.

Mae'r llu yn dweud gall unrhyw un sydd â gwybodaeth ffonio 101, neu drwy’r wefan, gan ddyfynnu’r rhif cyfeirnod C015799.