Mae enillwyr y Gwobrau Cymreig Cerddoriaeth Ddu cyntaf erioed wedi cael eu cyhoeddi yng Nghaerdydd.

Cafodd y gwobrau eu cynnal yng Ngholeg Brenhinol Cerdd a Drama Cymru brynhawn Sadwrn, gyda'r cantorion Aleighcia Scott a Lily Beau ymhlith yr enillwyr.

Fe wnaeth Aleighcia Scott, sy'n gyfansoddwr ac yn feirniaid ar raglen Y Llais, gipio gwobr y Gân Gymraeg Gorau am ei chân 'Dod o'r Galon'.

Cafodd y gân reggae ei rhyddhau ym mis Mawrth wedi iddi ysgrifennu a recordio cân ei hun yn y Gymraeg am y tro cyntaf.

"I dysgu Cymraeg means gymaint i fi a mor bwysig i pobl i gweld pobl fel fi a meddwl, 'O galla i dysgu Cymraeg hefyd'," meddai wrth Newyddion S4C.

"Mae o just yn encouragio mwy o bobl ti'n gallu neud o hefyd."

Dywedodd yr artist reggae ei bod yn bwriadu parhau i ddefnyddio'r iaith yn ei cherddoriaeth.

"I fi all of my sets now are bilingual a mae'n mor bwysig i fi i take Cymraeg dros y byd a pobl i glywed e and it's just normal," meddai.

"It's Welsh, like we are Welsh and it's just mor bwysig i pobl i clywed e."

'Teimlo fel dwi'n perthyn'

Y gantores a'r actores Lily Beau ydi enillydd gwobr yr Artist Newydd Gorau gyda'i chân 'Run With Me'.

Wrth gael ei holi yn dilyn y seremoni, dywedodd wrth Newyddion S4C: "Fi methu credu hi wir mae just yn nuts.

"Fi 'di bod yn perfformio am flynydde, ond i gael hwn ar ôl rhyddhau EP cynta fi, fi just yn teimlo s'dim geiria 'da fi."

Image

Ychwanegodd: "Fi'n Cymraes ddu, fi'n balch o'r ddau peth, ond weithie mae'n teimlo fel os dwi'n Cymraeg dwi'n rhy ddu, os dwi'n du dwi'n rhy Gymraeg. Mae 'na rhyw fath o balance fi'n teimlo fi heb 'di ffeindio 'to.

"Ond wrth ddod fan hyn a gweld y ddathliad o'r iaith Gymraeg hefyd yn yr adeilad 'ma, all the Black magic sydd o gwmpas, mae o just dwi'n teimlo fel dwi'n perthyn a fi'n rili balch o hwnna'n bendant."

Dyma restr lawn o'r enillwyr:

Y Gân Gymraeg Gorau - Aleighcia Scott, 'Dod o'r Galon'

Y Gân Reggae Gorau - Reuel Elijah, 'Straight Rum'

Y Gân Gospel Gorau - Soel Music, 'Calon lân & Tukwagala'

Y Gân RnB/Soul Gorau - Miss Faithee, 'Your Name'

Y Gân Afrobeats Gorau - DanoRano, 'No Pressure'

Y Gân Hip hop / Rap / Grime Gorau - 'Mace the Great, Disrespectful'

Y Sengl Gorau - Kima Otung, 'I'm Cute'

Y Cyfansoddwr Gorau - Kizzy Crawford, 'Codwr y Meirwon'

Y Fideo Gerddoriaeth Gorau - Sage Todz, 'Stopia Cwyno (Valley Boy)'

Yr Artist Newydd Gorau - Lily Beau, 'Run With Me'

Yr Albwm Gorau - Lemfrek, 'Blood, Sweat & Fears'