Mae cais cynllunio wedi ei gyflwyno ar gyfer pwll nofio newydd yng Ngwersyll yr Urdd yn Llangrannog.

Cafodd cais i ymestyn yr adeilad presennol ei gyflwyno'r llynedd ac fe gafodd sêl bendith cynghorwyr.

Mae’r cais diweddaraf yn gofyn am ganiatâd i chwalu'r hen adeilad o’r 1970au ac adeiladu un newydd yn ei le.

Cyflwynwyd y cais gan Urdd Gobaith Cymru trwy'r asiant Spencer Pughe Associates Ltd.

Mae'r cais yn dweud y bydd y datblygiad newydd yn cynnwys pwll nofio ac ystafelloedd newid newydd gan fod yr adeilad presennol yn colli gwres ddim yn hygyrch.

“Mae'n cynrychioli gwelliant sylweddol ar y cyfleuster presennol a model o ddatblygiad cynaliadwy a chynhwysol sy'n gyson ag ymrwymiadau Cymru i weithredu ar yr hinsawdd, bioamrywiaeth a lles cymunedol,” meddai’r cais.

Image

Wrth ymateb i’r cais fe wnaeth gwasanaeth Priffyrdd a Gwasanaethau Amgylcheddol Ceredigion godi pryderon bod yna beryg i ddŵr gronni ar wyneb y tir, gan awgrymu gwelliannau i liniaru hynny.

Mae dros filiwn o blant a phobl ifanc wedi aros yng Nghanolfan yr Urdd Llangrannog ers ei sefydlu ym 1932.