Mae’r heddlu yn apelio am wybodaeth ar ôl i blentyn dwy oed farw wedi digwyddiad yng Nglannau Dyfrdwy, Sir y Fflint. 

Cafodd yr heddlu eu galw gan y gwasanaeth ambiwlans i ddigwyddiad mewn eiddo ym mhentref Garden City ychydig wedi 22:00 nos Sadwrn.

Fe gludwyd y plentyn i ysbyty yng Nghaer, cyn ei symud i ysbyty plant Alder Hay yn Lerpwl, lle bu farw nos Lun.

Dywed yr heddlu bod y farwolaeth yn cael ei thrin fel un heb esboniad ar hyn o bryd, ac maen nhw’n gweithio gydag asiantaethau eraill i ymchwilio’r amgylchiadau. 

Maen nhw’n apelio ar unrhyw un sydd gan wybodaeth i gysylltu gan ddefnyddio’r cyfeirnod Z119454.