Mae adroddiadau o lifogydd mewn rhannau o dde Cymru ar ôl i Cyfoeth Naturiol Cymru gyhoeddi rhybudd llifogydd ar gyfer rhannau o arfordir de orllewin Cymru.

Mae Heddlu De Cymru yn dweud bod sawl ffordd ar gau yn Abertawe oherwydd llifogydd.

Image

Mae disgwyl i Ffordd Goetre Fawr yng Nghilâ a Nghwmbwrla a chylchfan Cwmbwrla fod ar gau "am beth amser", ac mae swyddogion yn cynghori'r cyhoedd i osgoi'r ardaloedd.

Daw wedi i Cyfoeth Naturiol Cymru (CNC) gyhoeddi rhybuddion "llifogydd - angen gweithredu ar frys" ar gyfer afonydd yn Sir Gâr ac Abertawe a "llifogydd-byddwch yn barod" am afonydd yn Sir Benfro, Sir Gâr ac Abertawe.

Image

Dyma’r ardaloedd ac afonydd sydd wedi eu heffeithio:

• Taf a Chynin
• Llanelli
• Nant-y-fendrod a Nant Brân yn Abertawe
• Penrhyn Gŵyr

Mae Cyfoeth Naturiol Cymru (CNC) yn rhybuddio bod disgwyl llifogydd ar dir a ffyrdd isel yn yr ardaloedd yma. 

Dywed CNC bod disgwyl i lefelau afonydd fod yn uwch na'r arfer a bod angen i bobl gymryd gofal.

Lluniau: Cylchfan Cwmbwrla, Abertawe (Shannon Thomas)