Mae Carlos Alcaraz wedi curo Jannik Sinner yn ffeinal Pencampwriaeth Tenis Agored UDA ddydd Sul. 

Fe ddechreuodd Alcaraz yn gryf gan hawlio'r set gyntaf cyn i Sinner frwydro yn ôl yn yr ail set i ennill honno. 

Ond llwyddodd Alcaraz i ennill y drydedd a'r bedwaredd set yn hawdd, gan hawlio'r bencampwriaeth am yr ail waith yn ei yrfa.

Fe gafodd y rownd derfynol ei gohirio am hanner awr oherwydd mesurau diogelwch ychwanegol yn sgil presenoldeb yr Arlywydd Trump.

Mae buddugoliaeth Alcaraz yn golygu ei fod ef a Sinner wedi ennill yr un nifer o brif bencampwriaethau tenis eleni, gyda Alcaraz yn ennill Pencampwriaeth Agored Ffrainc ac UDA, a Sinner yn ennill Pencampwriaeth Agored Awstralia a Wimbledon.

Mae llwyddiant Alcaraz nos Sul hefyd yn golygu ei fod wedi adennill y teitl o fod yn chwaraewr rhif 1 yn rhestr detholion y byd, wedi i Sinner hawlio'r safle am 65 wythnos.