Mae cwest wedi agor ar ôl i ddyn 51 oed gael ei ddarganfod yn farw wedi tân yn ei gartref yng Nghaernarfon. 

Bu farw David Alan Evans, o Lon-y-Bryn yn y dref ar 16 Awst.

Dywedodd yr uwch grwner ar gyfer gogledd orllewin Cymru, Kate Robertson ei bod yn aros am fanylion ynghylch achos y farwolaeth. 

Cafodd y cwest ei ohirio wrth i'r ymchwiliad barhau. 

Dywedodd yr heddlu fod larwm mwg wedi canu yn y cartref, a bod aelodau o'r cyhoedd wedi cysylltu â'r gwasanaethau brys i nodi fod tân yn y fflat.

Roedd Mr Evans wedi marw erbyn i'r gwasanaethau brys gyrraedd y safle.