Mae'r Swyddfa Dywydd wedi cyhoeddi rhybudd melyn am gawodydd trymion o law ar gyfer rhannau o Gymru ddydd Iau - gyda rhybudd arall am law trwm fore dydd Gwener.

Mae disgwyl i gawodydd trwm effeithio'r canolbarth a rhannau o'r de am yr oriau nesaf. 

Bydd y cawodydd yn dod yn llai aml yn ddiweddarach yn y prynhawn, wrth i gyfeiriad y gwynt newid o'r de-orllewin i'r gorllewin.

Fe allai'r cawodydd arwain at lifogydd neu effeithio ar gyflenwad trydan.

Dywed y Swyddfa Dywydd y gallai'r cawodydd effeithio ar y siroedd canlynol:

• Pen-y-bont ar Ogwr
• Merthyr Tudful
• Nedd Port Talbot
• Powys
• Rhondda Cynon Taf
• Abertawe

Ail rybudd

Mae rhybudd melyn am law wedi ei gyhoeddi ar gyfer nos Iau a dydd Gwener i ardal ehangach o Gymru hefyd.

Er na fydd cawodydd trwm na glaw ym mhobman, lle maen nhw'n digwydd mae 10-20 mm o law mewn llai nag awr yn bosibl. 

Mae 50-70 mm o law yn bosibl mewn ychydig oriau lle mae cawodydd trwm yn para'n hirach, mae hyn yn fwyaf tebygol ger yr arfordiroedd. 

Bydd rhywfaint o lifogydd yn yr ardaloedd gwlypach hyn yn bosibl. Gallai ychydig o gawodydd ddod gyda tharanau achlysurol, ac mae hyn yn fwy tebygol ger yr arfordiroedd.

Y siroedd dan sylw ar gyfer y rhybudd hwn rhwng 22:00 nos Iau a 12:00 ddydd Gwener yw:

• Blaenau Gwent
• Pen-y-bont ar Ogwr
• Caerffili
• Caerdydd
• Sir Gâr
• Merthyr Tudful
• Sir Fynwy
• Nedd Port Talbot
• Casnewydd
• Powys
• Rhondda Cynon Taf
• Abertawe
• Torfaen
• Bro Morgannwg