Mae tri o blant, gan gynnwys un plentyn dwy oed,  ymhlith o leiaf 13 o bobl a laddwyd ar ôl ymosodiad "enfawr" gan Rwsia ar Kyiv dros nos.

Mae gweithwyr dyngarol yn mynd rhagddi i geisio cloddio am unrhyw oroeswyr a allai fod yn gaeth dan rwbel adeiladau gafodd eu dymchwel yn dilyn yr ymosodiad

Yn yr awr ddiwethaf, dywedodd gweinyddiaeth filwrol y ddinas fod tri o blant ymhlith y meirw, gan gynnwys y plentyn dwy oed, ac mae'r wladwriaeth hefyd wedi cofnodi fod 48 o bobl eraill wedi'u hanafu, ac mae'n bosib y gallai'r niferoedd yma godi eto yn ystod y dydd.

Yn ôl yr awdurdodau yn Kyiv, fe gafodd cyfanswm o 629 o ddronau a thaflegrau eu defnyddio fel rhan o ymosodiad Rwsia ar Wcráin dros nos, gan dargedu 13 lleoliad yn Wcráin, gan ychwanegu bod y fyddin wedi llwyddo i saethu 563 o'r dronau a 26 o daflegrau i lawr.

Mae'r ymosodiad diweddara wedi taro Wcráin er gwaethaf ymdrechion diplomyddol rhyngwladol i ddod â'r rhyfel i ben.

Fe ymosododd Rwsia ar y wlad yn gyntaf, dair blynedd a hanner ar ôl, ac fe ddywedodd arlywydd y wlad, Volodymyr Zelensky ddydd Iau: "Nid yw Rwsia yn dal i ofni'r canlyniadau, fe lansiwyd yr ymdrech ryngwladol ddiweddaraf i sicrhau cadoediad yn yr Wcráin gan Arlywydd yr Unol Daleithiau Donald Trump yn gynharach y mis hwn.

"Ond yn amlwg, nid yw Arlywydd Rwsia yn bwriadu gwrando ar ddim mae'r Arlywydd Trump yn trio ei wneud, pa obaith sydd felly."