Mae dyn 30 oed wedi cael ei garcharu ar ôl iddo ddifrodi ceir gyda bat criced ar Ynys Môn.

Roedd James Clements o Fae Cemaes hefyd wedi chwistrellu graffiti mewn gwahanol leoliadau ar draws Caergybi ym mis Gorffennaf.

Fe wnaeth achosi difrod i ddau gar gyda bat criced ym Mae Cemaes ar 9 Awst.

Fe wnaeth ymddangos o flaen Llys Ynadon Llandudno ar 11 Awst wedi'i gyhuddo o ddifrod troseddol.

Cyfaddefodd i'r troseddau a chafodd ei garcharu am 12 wythnos.

Dywedodd y Rhingyll Becci Harrison: “Hoffwn ddiolch i aelodau'r cyhoedd ac asiantaethau eraill am eu cymorth a'u cefnogaeth yn dilyn y digwyddiadau hyn.

“Mae cael cefnogaeth y gymuned leol yn hanfodol i ni sicrhau'r dystiolaeth sydd ei hangen i ddod â throseddwyr gerbron y llys.”