Mae'r tymheredd uchaf erioed wedi ei gofnodi yng Nghymru ar ddydd Llun Gŵyl y Banc, ar ôl i'r tymheredd gyrraedd 29.1C ym Mhenarlâg, Sir y Fflint.

26.5C oedd y record flaenorol, a hynny nôl yn 1991.

Cafodd y record ei thorri yng Ngogledd Iwerddon hefyd, wrth i'r tymheredd godi i 24.5C yn Magilligan, Derry, yn ôl y Swyddfa Dywydd.

Ond mae'r tywydd braf wedi dod i ben am y tro, wrth i wyntoedd cryfion a glaw gyrraedd o'r gorllewin, yn sgil y cyn-Gorwynt Erin sydd wedi croesi'r Iwerydd o arfordir dwyreiniol yr Unol Daleithiau.

Mae disgwyl tywydd gwlyb am weddill yr wythnos.

Dywedodd Marco Petagna o'r Swyddfa Dywydd: “Hwn fydd y glaw cyntaf ers peth amser i sawl ardal  

“Fe fydd hi'n parhau'n gyfnewidiol weddill yr wythnos, gyda chawodydd a chyfnodau hirach o law, gyda'r tymheredd yn gostwng i'r cyfartaledd yr adeg hon o'r flwyddyn, a bydd hi'n go wyntog hefyd.”

Ond does dim disgwyl unrhyw rybuddion tywydd yr wythnos hon.