Dynes wedi ei chyhuddo o drywanu dyn yng nghanol Caernarfon
Llun: Google
Mae dynes o Gaernarfon wedi ei chadw yn y ddalfa ar ôl cael ei chyhuddo o drywanu dyn ynghanol y dref ddydd Iau diwethaf.
Mae Kimberley Evans o Blas Twthill, wedi ei chyhuddo o anafu Arwel Wyn Jones yn fwriadol ar Stryd Llyn.
Clywodd y llys yn Llandudno ei bod hi yn adnabod Mr Jones.
Ni chyflwynwyd cais am fechnïaeth, a chafodd ei chadw yn y ddalfa gan y Barnwr Gwyn Jones tan y gwrandawiad nesaf yn Llys y Goron Caernarfon ar 8 Medi.
