Mae person 48 oed oedd yn gyrru beic modur yn yr ysbyty gydag anafiadau difrifol wedi gwrthdrawiad ar Ffordd Fabian yn Abertawe.

Fe ddigwyddodd y gwrthdrawiad rhwng Volkswagen Passat glas a beic modur am 09.40 yn y bore ar ddydd Sadwrn, 9 Awst.

Mae'r llu yn dweud eu bod yn ymchwilio i'r hyn ddigwyddodd ac y dylai llygad dystion gysylltu gyda nhw.

Maent hefyd yn awyddus i yrwyr oedd yn yr ardal yr adeg hynny i wirio unrhyw ddeunydd dashcam.

Mae modd cysylltu gyda'r heddlu trwy ffonio 101 gyda'r cyfeirnod 2500254313 neu Crimestoppers yn ddienw ar y rhif  0800 555111.