Mae na rybudd am oedi hir i deithwyr ar ffordd yr A55 yn Sir y Fflint ddydd Sul yn dilyn gwrthdrawiad ger Caerwys.

Cafodd y ffordd ei chau ddydd Sadwrn rhwng Cyffordd 31 ger Caerwys a Chyffordd 32 am Dreffynnon.

Mae rhan o'r ffordd ger Caerwys yn parhau i gael ei heffeithio ddydd Sul, ac fe allai achosi oedi sylweddol i deithwyr.

Mae lôn 1 ar agor i'r ddau gyfeiriad, ond mae lôn 2 ar gau i'r ddau gyfeiriad gan fod difrod i'r rhwystr yng nghanol y ffordd.

Ddydd Sadwrn fe gafodd teithwyr eu dargyfeirio ar hyd ffyrdd lleol eraill.

Llun: Traffig Cymru