Mae degau o filoedd o bobl wedi ymgynnull yn Birmingham ar gyfer angladd y canwr Ozzy Osbourne.

Arhosodd yr orymdaith angladdol, ynghyd â'i deulu, wrth fainc Black Sabbath yn y ddinas, lle mae miloedd o deyrngedau, balŵns a blodau wedi’u gadael.

Bu farw prif leisydd Black Sabbath, a chwaraeodd gig ffarwel yn y ddinas yn gynharach yn y mis, yn 76 oed ddydd Mawrth diwethaf.

Dywedodd un cefnogwr o’r enw Goose wrth asiantaeth newyddion PA eu bod wedi darganfod cerddoriaeth metel trwm yn eu harddegau.

“Dyna pryd y darganfyddais, fel miliynau o bobl ledled y byd, fod cerddoriaeth oedd ar ein cyfer ni, rhywbeth oedd yn ein deall ni.

“Roedden ni’n gwybod bod rhywun allan yna oedd yn teimlo’r un ffordd ag yr oedden ni ac roedd yn bresenoldeb cyson.

“Helpodd Ozzy i roi hynny i’r byd. Roedd yn aelod o’r teulu. Roedd yn teimlo fel aelod o’r teulu i gynifer o bobl ac fe gyffyrddodd â bywydau cynifer o bobl.”

Dywedodd Evie Mayo, o Wolverhampton, fod y seren wedi ei hysbrydoli hi a phawb yn Birmingham wrth iddi aros wrth Bont Black Sabbath i'w orymdaith gyrraedd.

Dywedodd wrth PA: “Rwy'n credu ei fod mor ddylanwadol, roedd yn berson mor ysbrydoledig. 

"Rwy'n credu ei fod wedi effeithio'n fawr ar bawb yma, yn enwedig yn Birmingham.

“Nawr nad yw yma, gallwch deimlo'r effaith. Ysbrydolodd lawer o bobl ac roedd yn berson gwych.”

Prif lun: PA