Keir Starmer yn gwahardd gwrthryfelwyr Llafur dros dro

16/07/2025
Keir Starmer

Mae Syr Keir Starmer wedi gwahardd aelodau seneddol Llafur sydd wedi gwrthryfela yn erbyn ei bolisïau. 

Yn ôl adroddiadau, Brian Leishman, Neil Duncan-Jordan a Chris Hinchcliff yw'r aelodau hynny. 

Pleidleisiodd y tri yn erbyn cynlluniau Llywodraeth y Deyrnas Unedig i ddiwygio'r wladwriaeth les yn gynharach y mis hwn. 

Cafodd y tri eu hethol am y tro cyntaf adeg yr Etholiad Cyffredinol y llynedd.    

Yn sgil y gwaharddiad, bydd y tri yn eistedd fel aelodau annibynnol yn Nhŷ'r Cyffredin.  

Mae swyddfa Mr Leishman – sy'n cynrychioli Alloa a Grangemouth yn yr Alban – wedi cadarnhau ei fod wedi ei wahardd dros dro.  

Mewn datganiad, dywedodd ei fod yn “ aelod Llafur balch” a bod ei ymrwymiad i'r blaid yn parhau.  

“Rydw i eisiau parhau i fod yn Aelod Seneddol Llafur a chyflwyno'r newidiadau cadarnhaol y mae nifer o etholwyr yn crefu amdanyn nhw,” ychwanegodd.

“Rydw i wedi pleidleisio yn erbyn y Llywodraeth oherwydd fy mod i eisiau cynrychioli pobl yn effeithiol, a bod yn llais ar gyfer cymunedau ar hyd a lled Alloa a Grangemouth.

“Rydw i'n credu'n gryf, nad fy swyddogaeth fel AS yw gwneud bobl yn dlotach.”

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.