Mae bachgen 12 oed wedi marw ar ôl iddo gwympo oddi ar offer mewn parc yn Sir Gaer.

Fe syrthiodd y plentyn yn y parc yn nhref Winsford ddydd Gwener.

Fe wnaeth y gwasanaethau brys ei drin ond bu farw yn y fan a'r lle, meddai’r heddlu.

Dywedodd y llu fod ei berthnasau agosaf wedi cael gwybod ac mae swyddogion yn apelio ar unrhyw un a welodd y "digwyddiad trasig iawn" i gysylltu.

Dywedodd y Ditectif Rhingyll John Rhodes: "Mae ein meddyliau'n parhau gyda theulu a ffrindiau'r bachgen a fu farw yn y fan a'r lle, yn anffodus.

"Fel rhan o'n hymchwiliad, rydym yn gofyn i unrhyw un a allai fod wedi bod yn ardal Maes Hamdden Wharton neu o'i gwmpas tua'r adeg ac a welodd unrhyw beth a allai ein cynorthwyo yn ein hymholiadau i gysylltu.

"Ar hyn o bryd, hoffwn hefyd ofyn i'r cyhoedd beidio dyfalu, yn enwedig ar y cyfryngau cymdeithasol, gan fod hwn yn parhau i fod yn ymchwiliad parhaus."