Mae dyn a wnaeth frathu llaw a phoeri yn wyneb heddweision tra'n cael ei arestio wedi cael ei ddedfrydu i'r carchar.

Cafodd Bowaen Wild ei ddedfryd i 10 mis yn y carchar yn Llys Ynadon yr Wyddgrug ddydd Llun wedi iddo bledio'n euog i sawl trosedd.

Roedd swyddogion wedi arestio'r dyn 28 oed ar 2 Mawrth wedi adroddiadau fod dyn yn cerdded ar Ffordd Glan-Y-Môr gyda chyllell yn ei ddwylo.

Roedd hefyd wedi cael ei adnabod fel un a oedd yn cael ei amau o geisio lladrata mewn ardal gyfagos.

Wrth gael ei arestio roedd Wild wedi poeri yn wyneb heddwas a brathu heddwas arall.

Cafodd Wild hefyd ei gyhuddo o droseddau eraill gan gynnwys affräe a digwyddiad trefn gyhoeddus hiliol.

Roedd y cyhuddiad digwyddiad trefn gyhoeddus yn gysylltiedig â iaith hiliol ddefnyddiodd Wild tuag at staff meddygol ar 13 Mawrth eleni.

Dywedodd y Prif Arolygydd Trystan Bevan o Heddlu Gogledd Cymru: “Roedd ymddygiad Wild—yn amrywio o feddu ar arfau ac ymgais i ladrata i ymosodiadau treisgar ac ymddygiad hiliol sarhaus—yn peri pryder mawr.

“Roedd ei ymddygiad treisgar yn erbyn swyddogion yr heddlu yn gwbl warthus. Ni fyddwn yn goddef unrhyw ymosodiad yn erbyn gweithiwr gwasanaeth brys wrth geisio gwneud eu gwaith i gadw eraill yn ddiogel.

“Mae hyn yn anfon neges glir na fydd gweithredoedd o’r fath yn cael eu goddef, a bod ein swyddogion a’n gweithwyr rheng flaen yn haeddu cael eu hamddiffyn rhag niwed.

“Byddwn yn parhau i ddelio’n gadarn â throseddwyr sy’n peryglu diogelwch aelodau ein cymuned.”