Mae dau ddiffoddwr tân ac aelod o'r cyhoedd wedi marw ar ôl tân mawr yn un o gyn-ganolfannau yr Awyrlu Brenhinol yn Sir Rhydychen.

Dywedodd y cyngor sir fod y ddau ddiffoddwr tân wedi marw wrth ymladd y tân yng nghyn-ganolfan y Llu Awyr Brenhinol yn Bicester Motion ddydd Iau.

Fe wnaeth dau ddiffoddwr tân arall ddioddef anafiadau difrifol ac maent yn yr ysbyty ar hyn o bryd, meddai llefarydd ar ran y cyngor.

Fe gafodd deg criw tân ac achub eu galw ac roedd yna rybuddion i drigolion lleol i aros dan do.

Dywedodd y cyngor fod pedwar criw yn parhau yn y fan a'r lle a bod y tân bellach dan reolaeth.

Dywedodd y Prif Weinidog Syr Keir Starmer bod y marwolaethau yn "newyddion ofnadwy".

"Mae dewrder ein diffoddwyr tân yn syfrdanol,” meddai.

“Gobeithio y bydd yna wellhad buan i’r rhai sydd yn yr ysbyty.”