Mae dyn 60 oed o Rondda Cynon Taf wedi ei wahardd rhag cadw cathod am weddill ei oes, ar ôl i swyddogion yr RSPCA ddarganfod ei fod yn cadw 50 o'r anifeiliad mewn amodau anaddas. 

Roedd David Thomas o Aberpennar hefyd wedi torri gorchymyn a oedd yn ei wahardd rhag cadw cathod.  

Cafodd 35 o gathod eu hachub o adeilad yn Aberpennar ym mis Hydref 2023, cyn i 15 yn rhagor gael eu symud o'r un safle ym mis Chwefror 2024.

Roedd nifer ohonyn nhw yn cael eu cadw mewn cewyll cyfyng, a oedd yn llawn carthion.   

Image

Cafodd David Thomas ei ddedfrydu yn Llys Ynadon Merthyr, ar ôl iddo bledio'n euog mewn gwarandawiad blaenorol y llynedd i ddwy drosedd o dan y Ddeddf Lles Anifeiliaid.

Cafodd ei ddyfarnu'n euog o ddau gyhuddiad arall wedi achos llys.   

Roedd un o'r troseddau yn ymwneud â thorri gorchymyn yn ei wahardd rhag cadw anifeiliaid. 

Image

Roedd Thomas wedi cael ei wahardd rhag cadw cathod yn Llys Ynadon Merthyr ar 13 Medi 2023.

Cafodd ddedfrydau o garchar wedi eu gohirio am 12 mis, a chafodd orchymyn i dalu dros £1,000 o gostau. 

Image