Mae'r chwilio yn parhau am fachgen 'bregus' 16 oed aeth ar goll yn Llandudno yn Sir Conwy. 

Fe aeth Athrun, sy'n dod o Sir Gaerloyw, ar goll dros y penwythnos tra'r oedd ar ei wyliau yn y dref. 

Mewn datganiad, dywedodd Heddlu'r Gogledd fod ymdrechion yn parhau ddydd Mawrth. 

Ychwanegodd y llu fod disgwyl i dimau chwilio tanddwr a gwylwyr y glannau barhau â'u hymdrechion o 10:30 y bore.

Dywedodd Heddlu'r Gogledd fod gan Athrun wallt byr tywyll a'i fod tua chwe throedfedd o daldra. 

Ers prynhawn dydd Sadwrn, mae'r heddlu a gwylwyr y glannau wedi bod yn chwilio amdano "ar y tir, y dŵr ac o'r awyr". 

Mae tîm chwilio tanddwr arbenigol bellach yn chwilio amdano yn y môr.