Mae prif ffordd yr A55 ar gau ers rhai oriau yn Hen Golwyn, Sir Conwy wedi i gerbyd a threlar sydd â da byw ynddo droi ben i waered.

Cafodd Heddlu Gogledd Cymru eu galw wedi adroddiadau am wrthdrawiad yn ymwneud ag un cerbyd ar y A55 i gyfeiriad y dwyrain am 09:20 fore Llun.

Bu'n rhaid cau'r ffordd wedi'r gwrthdrawiad a bydd yn parhau ar gau hyd nes bydd y cerbyd a'r trelar wedi eu symud oddi yno.

Roedd tagfeydd ar hyd yr A55 i'r dwyrain ger Hen Golwyn wedi'r gwrthdrawiad.

Mae'r heddlu yn annog pobl i osgoi'r ardal.