Mae'r heddlu ym Mrasil wedi cyhoeddi eu bod wedi atal ymosodiad a oedd wedi ei drefnu yn honedig ar gyfer cyngerdd y gantores Lady Gaga ar draeth Copacabana yn Rio de Janeiro ddydd Sadwrn.

Yn ôl yr heddlu, roedd cynllwyn ar droed i gynnal ymosodiadau gyda ffrwydron. 

Mae person a oedd yn gyfrifol am y cynllwyn yn honedig, wedi ei arestio, yn ogystal â pherson yn ei arddegau. 

Yn ôl yr awdurdodau, roedd y grŵp a oedd yn gyfrifol wedi bod yn ymledu casineb, yn bennaf yn erbyn plant, pobl ifanc a'r gymuned LGBTQIA+.

Dywedodd yr heddlu bod y person sy'n cael ei amau o gynllwynio'r ymosodiad honedig wedi ei arestio ar amheuaeth o fod â gwn yn ei feddiant.

Mae'r person yn ei arddegau wedi ei arestio ar amheuaeth o storio pornograffi plant. 

Roedd tua dwy filiwn o bobl yn bresennol yng nghyngerdd Lady Gaga dydd Sadwrn. Doedd dim tâl mynediad.

Doedd y gantores ddim wedi perfformio ym Mrasil ers 2012.   

Mae hi ar hyn o bryd ar daith er mwyn hyrwyddo ei hwythfed albwm Mayhem. 

Llun: Reuters