Mae saith person wedi cael eu cludo i'r ysbyty am driniaeth ar ôl tân yng Nghaerdydd fore Mawrth.

Dywedodd Heddlu De Cymru eu bod nhw wedi ymateb i dân ar Ffordd Treseder yn ardal Caerau.

Cafodd Gwasanaeth Tân ac Achub y De eu galw i'r digwyddiad am 03:45.

Roedd criwiau o orsafoedd Trelái, Caerdydd Canolog, Yr Eglwys Newydd, Y Barri a Phenarth yn bresennol.

Dywedodd llefarydd ar ran Gwasanaeth Ambiwlans Cymru bod un person wedi cael ei gludo i'r ysbyty mewn ambiwlans awyr a chwech arall mewn ambiwlans.

Dywedodd yr heddlu fore Mawrth: "Mae presenoldeb y gwasanaethau brys yn parhau yn ardal."

Maen nhw'n annog pobl i osgoi'r ardal ac yn diolch i bobl am eu hamynedd.