Mae rhybuddion am amodau gyrru gwael ar ôl llifogydd ar rai ffyrdd dros nos.

Dros nos roedd rhai llifogydd ar yr M4 a'r A470 wrth i law ddisgyn ar draws Cymru gyfan.

Dywedodd Traffig Cymru bod amodau gyrru gwael ar y ffyrdd fore Mercher wedi'r llifogydd dros nos.

Mae Pont Hafren yr M48 yn ne Sir Caerloyw wedi cau rhwng cyffordd 1 a 2 ger Cas-gwent oherwydd gwyntoedd cryf.

Mae traffig yn cael ei ddargyfeirio i'r M4 Pont Tywysog Cymru.

Glaw trwm

Mae asiantaeth National Highways yn rhybuddio gyrwyr i gynllunio eu taith o flaen llaw fore Mercher.

Mae rhybudd melyn am law mewn grym i Gymru tan 12:00 ddydd Mercher.

Mae disgwyl i gyfnodau o law trwm a chyson i ymledu o'r gogledd, gan symud ar draws y wlad, gyda rhwng 20 a 40mm o law yn debygol o ddisgyn.

Gall rhai ardaloedd brofi rhwng 50 a 7am 5mm o law yn ystod y cyfnod hwn.

Mae'r Swyddfa Dywydd yn rhybuddio y gallai rhai cartrefi a busnesau brofi llifogydd, gydag oedi yn bosibl i drafnidiaeth gyhoeddus hefyd.