Mae Syr Elton John yn dweud bod methu gweld ei blant yn chwarae oherwydd nam golwg yn "emosiynol" iddo.

Dywedodd y seren roc y llynedd bod ganddo "haint llygaid difrifol" sydd wedi ei adael "gyda golwg cyfyngedig yn unig mewn un llygad."

Ychwanegodd nad yw'n gallu "gweld y teledu" a "heb allu gweld unrhyw beth ers Gorffennaf y llynedd."

Yr hyn sydd yn fwyaf trist oedd methu gweld ei blant yn chwarae, meddai wrth The Times.

"Dydw i methu darllen. Dydw i ddim yn gallu gweld fy mhlant yn chwarae pêl-droed a rygbi, ac mae wedi bod yn gyfnod anodd.

"Chi'n mynd yn emosiynol, ond mae rhaid i ti ddod i'r arfer achos dwi mor lwcus i fyw'r bywyd hwn.

"Dwi dal efo fy nheulu hyfryd, a dwi dal yn gallu gweld rhywbeth allan o hyn."

Ym mis Rhagfyr, cyfaddefodd nad oedd wedi gallu gwylio ei sioe gerdd newydd, The Devil Wears Prada, oherwydd y problemau gyda'i olwg.

“Dydw i ddim wedi gallu dod i lawer o’r sioeau oherwydd, fel rydych chi'n gwybod, dwi wedi colli fy ngolwg."

Llun: PA