Mae dyn o Sir Gaer oedd yn 19 oed pan fanteisiodd ar ferch feddw ​​14 oed yn ei chartref yng Ngwynedd wedi cael ei garcharu am 30 mis.

Fe gyfaddefodd Owen Zissler, sydd bellach yn 21 oed, o Haslington, i gyhuddiad o weithgaredd rhywiol gyda phlentyn. 

Clywodd Llys y Goron yr Wyddgrug ddydd Iau fod y dioddefwr wedi cymryd gorddos yn ddiweddarach. 

Roedd Zissler wedi bod yn aros mewn maes gwersylla yn ystod haf 2022.  

Dywedodd y Barnwr Niclas Parry wrth Zissler: "Roeddech chi'n gwybod oed eich dioddefwr. 

"Roedd hi'n 14, roeddech chi'n 19, mae hynny'n wahaniaeth sylweddol.  

"Rwy'n fodlon eich bod wedi cael profiad rhywiol a bod gennych, ar y gorau, agwedd ddirmygus tuag at ieuenctid merched o ran eich boddhad rhywiol eich hun.

"Y noson honno roeddech chi wedi diystyru lles eich dioddefwr yn llwyr."

Ychwanegodd: "Fe wnaethoch chi fanteisio ar blentyn a oedd mor feddw ​​na ellir ond ei disgrifio yn arbennig o agored i niwed."

Dywedodd Simon Rogers ar ran yr amddiffyniad fod Zissler yn edifar. 

"Roedd hwn yn ddigwyddiad unigol a gyflawnwyd gan unigolyn anaeddfed a oedd yn dal yn ei arddegau ei hun," meddai.