Mae cyn-brif weithredwr yr SNP Peter Murrell wedi ymddangos yn y llys wedi’i gyhuddo o dwyll ariannol.

Cafodd Mr Murrell ei arestio yn 2023 mewn perthynas ag ymchwiliad heddlu i gyllid yr SNP.

Yn ddiweddarach cafodd ei ail-arestio a'i gyhuddo mewn cysylltiad â thwyll ariannol honedig o gronfa'r blaid.

Cafodd ei gyhuddo o dwyll ariannol (embezzlement) pan ymddangosodd yn Llys Siryf Caeredin ddydd Iau.

Ni wnaeth bledio ac fe'i traddodwyd i gael archwiliad pellach a chaniatawyd mechnïaeth.

Mae wedi gwahanu oddi wrth y cyn-brif weinidog Nicola Sturgeon, a gyhoeddodd yn gynharach eleni fod y cwpl wedi “penderfynu dod â’u priodas i ben”.

Fe gadarnhaodd Heddlu’r Alban ddydd Iau nad oedd Nicola Sturgeon bellach dan amheuaeth yn Dilyn ymchwiliadau i gyllid yr SNP.

Ychwanegodd y llu nad oedd cyn-drysorydd y blaid Colin Beattie dan ymchwiliad bellach chwaith.

Llun: Wikimedia Commons