Ar ôl hir ddisgwyl a 70 mlynedd o siom mae tîm pêl droed Newcastle United wedi ennill cwpan.

Fe gurodd Newcastle gwpan Carabao wedi buddugoliaeth o 2-1 yn erbyn Lerpwl.

Y tro diwethaf iddyn nhw ennill tlws o’r fath oedd yn 1955.

Lerpwl oedd y ffefrynnau ond Newcastle gafodd yr hanner cyntaf gorau. Fe gafon nhw ei gwobrwyo gyda gôl gan Dan Burn.

Er i gôl arall yn gynnar yr ail hanner gael ei gwrthod daeth ymgais arall gan Alexander Isak a tro yma roedd hi'n cyfri.

Fe darodd Lerpwl yn ôl yn ystod yr amser ychwanegol ond fe lwyddodd Newcastle i ddal gafael ar y fuddugoliaeth.

Mae’r canlyniad yn golygu y bydd y rheolwr Eddie Howe a’r tîm yn cael eu cofio yn y llyfrau hanes. Mae hefyd yn golygu eu bod wedi ennill eu lle yn Ewrop y tymor nesaf.