Mae dyn wedi ei arestio ar amheuaeth o achosi marwolaeth drwy yrru’n beryglus wedi i blentyn gael ei daro gan gar ar gae rygbi.

Cafodd swyddogion o Heddlu Cumbria eu galw i'r digwyddiad ychydig cyn 17:00 brynhawn dydd Mercher, yn dilyn adroddiad bod dau o blant wedi cael eu taro gan gar yng Nghlwb Rygbi Kendal.

Mae'r heddlu'n dweud bod un plentyn wedi marw ac mae'r llall yn derbyn triniaeth gan barafeddygon.

Mae teuluoedd y plant wedi cael gwybod am y digwyddiad.

Mae ymchwilwyr arbenigol yn lleoliad y gwrthdrawiad ac mae'r ardal ar gau wrth i ymholiadau cychwynnol gael eu cynnal. 

Mae gyrrwr y car BMW i40 du, dyn yn ei 40au, wedi’i arestio ar amheuaeth o achosi marwolaeth drwy yrru’n beryglus. 

Mae’r heddlu’n trin y gwrthdrawiad hwn fel digwyddiad ynysig.