Mae'r Swyddfa Dywydd wedi cyhoeddi rhybudd melyn am wynt i rannau o Gymru ddydd Gwener.

Fe fydd y rhybudd mewn grym rhwng 08:00 a 15:00.

Fe allai hyn arwain at amodau teithio heriol ar ffyrdd, rheilffyrdd ac i deithwyr sy'n hedfan o feysydd awyr.

Gallai arwain hefyd at doriadau mewn cyflenwadau trydan i rai am gyfnod.

Mae'r rhybudd yn effeithio ar arfordir y gorllewin a siroedd y de yn bennaf.

Dyma'r siroedd sy'n destun rhybudd melyn:

• Penybont ar Ogwr
• Caerdydd
• Sir Gaerfyrddin
• Ceredigion
• Conwy
• Gwynedd
• Ynys Môn
• Castell-nedd Port Talbot
• Sir Benfro
• Powys
• Rhondda Cynon Taf
• Abertawe
• Bro Morgannwg