Dyn o dan bwysau.

Herio Warren Gatland i ddod a llwyddiant yn y 6 Gwlad wnaeth Prif Weithredwr Undeb Rygbi Cymru, Abi Tierney yn ei hadroddiad fis Rhagfyr.

Mae ei ddyfodol yn dibynnu ar berfformiadau a chanlyniadau meddai hi ar y pryd.

A ddylai barhau yn ei swydd?

Yn ol cyn-gapten fu'n siarad a S4C wedi'r golled ddiweddaraf mae problemau rygbi Cymru yn ddyfnach na hynny.

"Beth yw'r strategaeth? Beth yw'r plan am y gem yng Nghymru?

"O'r gem gymuned, i'r gem ranbarthol i'r gem broffesiynol.

"Unless bod ni'n sortio hynna mas beth yw'r pwynt cael gwared ar Gatland a'r hyfforddwyr?"

Galw ar Gatland i fynd wnaeth cyn-gapten arall.

"Ar ol yr ail hanner, mae'n rhaid i Gatland fynd.

"Beth bynnag mae'n trial neud, dyw e ddim yn gweithio."

Mae'n cydnabod bod angen i eraill gymryd peth cyfrifoldeb hefyd.

"Yn amlwg nid yn unig mae'r problemau yn fanna.

"Maen nhw'n fwy dwys a dwfn na jyst Warren Gatland.

"Mae'r Cadeirydd, Prif Weithredwr mewn swydd ers dros flwyddyn a dydyn nhw'm yn gallu gwneud penderfyniad am ei ddyfodol.

"Maen nhw isie edrych yn ol a gwneud reports drwy'r amser.

"Maen nhw fel bod nhw'n osgoi penderfynu ar y rhanbarthau.

"Dydyn nhw'm eisiau gwneud penderfyniadau caled fydd yn anodd a bydd pobl yn cwympo mas amdanyn nhw ond mae'n rhaid cael cynllun clir ac amlwg i bawb beth bynnag yw'r penderfyniad.

"Mae fel bod nhw ofn 'neud penderfyniad."

Heno, mae cyn-chwaraewr rhyngwladol arall wedi galw am newidiadau.

Yn ol Andrew Coombs, mae angen gweithredu powld arweinyddiaeth gref a chynllun clir, ac ymddiswyddiadau.

Wrth edrych i'r dyfodol, un awgrym yw cryfhau llwybrau datblygu i chwaraewyr ifanc.

"Rygbi mewn ysgolion, dyna ble mae cynulleidfa fwyaf o fechgyn a merched i chwarae rygbi.

"Does dim cyfleoedd ar gael i ni yn yr ysgol na chymorth ariannol, dim clybiau o ran safbwynt y merched hefyd i roi cyfleoedd i nhw.

"Does dim colegau na system academies llwyddiannus yng Nghymru.

"Yn Llangynwyd ni'n colli lot o ddisgyblion i Loegr ble maen nhw'n mynd i golegau yn lle aros yng Nghymru achos does dim cyfleoedd rygbi o'r safon uchaf."

Fel rhan o strategaeth Cymru'n Un mae'r Undeb eisiau gweld y gem gymunedol yn ffynnu a chyflymu systemau datblygu i rygbi merched.

Mae'n broblem ddyrys, 4 blynedd nol roedd Cymru'n codi'r tlws ac yn dathlu Coron Driphlyg.

Mae'r dirywiad wedi bod yn syfrdanol.