Mae bachgen wedi ei gyhuddo o lofruddio bachgen 15 oed mewn ysgol yn Sheffield.

Cafodd Harvey Willgoose ei drywanu yn Ysgol Uwchradd Gatholig All Saints ar Heol Granville ddydd Llun a bu farw yn fuan wedyn.

Mae Gwasanaeth Erlyn y Goron yn dweud eu bod wedi gofyn i Heddlu De Swydd Efrog gyhuddo'r bachgen.

Cafodd y bachgen ei arestio ddydd Llun. Mae wedi ei gyhuddo o lofruddiaeth, o achosi ffrwgwd a bod ag arf â llafn yn ei feddiant.

Dyw'r bachgen ddim yn gallu cael ei enwi o achos ei oedran.

Mae disgwyl iddo ymddangos yn Llys Ieuenctid Sheffield yn ddiweddarach.  

Llun: Harvey Willgoose