Mae’r heddlu wedi dweud eu bod nhw wedi dod o hyd i gorff dyn oedd ar goll ers pythefnos ynghanol Casnewydd.

Dywedodd Heddlu Gwent eu bod nhw wedi dod o hyd i gorff Frank Bayley, 69 “mewn dŵr” oddi ar Ffordd Corporation tua 17.10 ddydd Llun.

Roedd wedi bod ar goll ers dydd Mawrth, Ionawr 21.

Roedd Cymdeithas Achub Ardal Hafren (SARA) wedi eu helpu i adfer y corff, meddai'r heddlu.

“Roedd teulu yn bresennol ac maen nhw wedi adnabod y dyn yn ffurfiol,” meddai llefarydd ar ran Heddlu Gwent.

“Mae ein meddyliau gyda nhw ar yr adeg anodd hon.”