Mae'r heddlu yn ymchwilio i achos honedig o sbeicio mewn bar yn Nhŷ'r Cyffredin.

Dywedodd Heddlu'r Met eu bod wedi "derbyn adroddiadau o sbeicio honedig mewn bar yn Nhŷ'r Cyffredin ar 7 Ionawr am tua 18.30".

Mae'r safle yn gwerthu diodydd i Aelodau Seneddol, staff Tŷ'r Cyffredin a gwesteion.

Ychwanegodd y llu bod y dioddefwr yn derbyn cefnogaeth gan swyddogion arbennig.

Nid oes unrhyw un wedi cael eu harestio hyd yma.