Mae’r Swyddfa Dywydd wedi cyhoeddi dau rybudd melyn newydd am rew ar draws Cymru o brynhawn Iau tan fore Gwener.

Gallai’r amodau gaeafol effeithio ar ffyrdd a thrafnidiaeth a chynyddu’r risg o lithro ar arwynebau rhewllyd. Fe allai hyn arwain at balmentydd, llwybrau seiclo a ffyrdd sydd heb eu graeanu fod yn rhewllyd.

Bydd cawodydd gaeafol yn cychwyn brynhawn Iau gan barhau dros nos wrth i’r tymheredd ostwng islaw’r rhewbwynt.

Gall hyd at 2-4cm o eira groni ar dir uchel. 

Bydd y rhybudd cyntaf mewn grym rhwng 16:00 brynhawn Iau a 10:00 ddydd Gwener.

Bydd y rhybudd hwn yn effeithio ar y siroedd canlynol:

• Abertawe
• Blaenau Gwent
• Caerffili
• Casnewydd
• Castell-nedd a Phort Talbot
• Ceredigion
• Conwy
• Gwynedd
• Merthyr Tudful
• Powys
• Rhondda Cynon Taf
• Sir Benfro
• Sir Ddinbych
• Sir Fynwy
• Sir Gaerfyrddin
• Sir y Fflint
• Torfaen
• Wrecsam
• Ynys Môn

Bydd rhybudd melyn arall mewn grym rhwng 03:00 a 11:00 fore Gwener.

Bydd y rhybudd hwn yn effeithio’r siroedd a’r ardaloedd canlynol:

• Abertawe
• Bro Morgannwg
• Caerdydd
• Caerffili
• Casnewydd
• Castell-nedd a Phort Talbot
• Pen-y-bont ar Ogwr
• Rhondda Cynon Taf
• Sir Benfro
• Sir Fynwy
• Sir Gaerfyrddin
• Torfaen

Mae’r Swyddfa Dywydd yn cynghori pobl i adael mwy o amser cyn gorfod teithio, a chymryd gofal wrth deithio ar ffyrdd rhewyllyd.